மதிப்பீடுகள் மற்றும் அடிப்படைத் திறன்கள் மேம்பாட்டு பயிற்சி

 மதிப்பீடுகள் மற்றும் அடிப்படைத் திறன்கள் மேம்பாட்டு பயிற்சி

அறிமுகம்:

நீடித்த சந்தோஷமும் எதையும் எதிர்கொள்ளும் நம்பிக்கையும் ஒவ்வொருவரையும் திருப்தியுள்ளவராகச் சமாதானம் உள்ளவராக ஆக்குகிறது. சரியான மதிப்பீடுகள் மற்றும் வாழ்க்கையின் அடிப்படை திறன்கள் இல்லாததால், நீடித்த மகிழ்ச்சியையும் வாழ்க்கையின் வெவ்வேறு சூழ்நிலைகளுக்கு ஏற்ப நேர்மறையாக மாறும் திறனையும் பலர் இழக்கிறார்கள். சுயமாகக் கற்றுக்கொள்ள செய்யும் போதனையே மிகப்பெரிய போதனை.

செயல்களின் முன்மொழிவு:

முக்கியமான மதிப்பீடுகள் மற்றும் தேவையான அடிப்படை திறன்களை கற்றுக்கொள்ள விரும்பும் நபர்கள் வாரந்தோறும் / இரண்டு வாரங்கள் / மாதந்தோறும் ஒரு பொது இடத்தில் (உள்ளூர் அமைப்பு / பஞ்சாயத்து கட்டிடம் / வீடு / மதம் சார்ந்த இடம் முதலியனவற்றில்) முன் ஏற்பாடுகளுக்கு பிறகு கூடலாம் ஆந்த இடம் அருகிலுள்ளதாகவும் பங்கேற்பாளர்கள் அணுகக்கூடியதாகவும் இருக்க வேண்டும். தொடர்ந்து பங்கேற்பவர்களுக்கு தன்னார்வலர்கள் மற்றும் தொழில் வல்லுநர்கள் மூலம் தனிப்பட்ட பயிற்சி, வழிகாட்டுதல், வெளிப்பாடுகள் மற்றும் பல்வேறு துறைகள் அல்லது ஆர்வமுள்ள விஷயங்களில் ஆலோசனைகள் வழங்கப்படலாம்.

கூடுகைகள் பங்கேற்பாளர்களுக்கு அவர்களின் திறன்களையும் திறமைகளையும் உணர அறிவுறுத்தும்; அவர்களின் தற்போதைய நிலையை மதிப்பிடுவதற்கும் பகுப்பாய்வு செய்வதற்கும் உதவும்; தங்களை மேம்படுத்தவும் மதிப்புமிக்க முடிவுகளை எடுக்கவும் உதவும், ஆடியோ-காட்சிகள் மற்றும் செயல்பாடுகள் அவர்களின் ஈடுபாட்டை மேம்படுத்தும், மேலும் வெவ்வேறு நேர்மறை கருத்துக்கள் ஒவ்வொன்றிலும் பொதிந்திருக்கும்.

எதிர்பார்க்கப்படும் விளைவுகள்:

மதிப்பீடுகள் மற்றும் அடிப்படை திறன்கள் மேம்பாடு பயிற்சி என்பது மக்கள் தங்கள் நேரம், திறமைகள், உடைமைகள் உள்ளிட்ட வாழ்க்கையின் பல்வேறு விஷயங்களை நிர்வகிக்க மக்களுக்கு உதவும், மேலும் பல்வேறு விஷயங்களைப் பற்றிய விழிப்புணர்வைக் கொண்டிருப்பதன் மூலம் சிறந்த முடிவுகள் எடுக்க முடியும், மற்றும் தலைமைத்துவ திறன்கள் மூலம் தங்கள் வாழ்க்கையை திறம்பட வழிநடத்த மக்களுக்கு இது உதவும் என்று எதிர்பார்க்கப்படுகிறது. அவர்கள் செய்யும் எல்லாவற்றிலும் வெற்றியின் உணர்வும் நிச்சயம் இருக்கும்.

கற்பிக்கப்படும் வெவ்வேறு தலைப்புகள் இளைஞர்களுக்கு, அவர்களின் வாழ்க்கைக்கு நம்பிக்கை, வழிநடத்துதல் மற்றும் நோக்கம் ஆகியவற்றைக் கொடுக்கும், மேலும் இது அவர்களின் எண்ணங்களைத் தூண்டிவிட்டு தனிப்பட்ட வளர்ச்சி, தொழில்முறை வளர்ச்சி மற்றும் சமூக வளர்ச்சியை நோக்கி வளர்வதைத் தொடங்கச் செய்யும் என்று எதிர்பார்க்கப்படுகிறது.

பங்கேற்கும் நபர்கள் தகவல்தொடர்பு, பகுத்தாய்வு சிந்தனை, ஒத்துழைப்பு, தொழில்நுட்பம் அல்லது பிற அறிவு சார்ந்த திறன்களை வளர்த்துக் கொள்ளலாம், அவை பிற விஷயங்களைக் கற்றுக்கொள்வதற்கு அடிப்படையானவை அவசியமானவை.

தொடர் ஆதரவு:

தவறாமல் பங்கேற்கும் மக்கள் தங்கள் தலைமைத்துவ மேம்பாடு மற்றும் தொழில் வளர்ச்சியில் மேலும் வழிநடத்தப்படலாம்.

கவனம் செலுத்தப்படும் காரியங்கள்:

தன்நம்பிக்கையை மேம்படுத்துதல்

சரியான திசையில் இலக்குகள் மற்றும் லட்சியங்கள்

மொழியியல் மற்றும் வாழ்க்கையை சமாளிக்கும் திறன்கள்

தலைமைத்துவம் மற்றும் மேலாண்மை திறன்கள்

குழு கட்டமைத்தல் மற்றும் ஒருவரோடொருவர் செயல்புரியும் திறன்கள்

திறமைகளை மேம்படுத்துதல்

ஒழுக்கங்களை உள்வாங்கச் செய்தல்

சமூக பொறுப்புணர்வு மற்றும் சரியாக இருத்தல்

பணிப்புரியும் திறன் மற்றும் தாழ்மை

தொழில்நுட்பம் மற்றும் கண்டுபிடிக்கும் திறன்கள்

பரிந்துரைக்கப்படும் தலைப்புகள்:

வ.எண்	மதிப்பீடுகள்	வ.எண்	அடிப்படை திறன்கள்
1	நேர்மை	1	ஒருவரோடொருவர் செயல்புரியும் திறன்கள்
2	ஒழுக்கம்	2	நேர மேலாண்மை
3	பணிவு	3	முடிவெடுக்கும் திறன்கள்
4	நம்பகத்தன்மை	4	பகுத்தறிவு சிந்தனை
5	பொறுப்பு	5	மனஅழுத்த மேலாண்மை
6	அணுகல்	6	நேர்மறை அணுகுமுறை
7	பட்சாதாபம்	7	முன்முயற்சி எடுப்பது
8	அர்ப்பணிப்பு	8	தொடர்புக்கொள்ளும் திறன்கள்
9	ஏற்றுக்கொள்ளல்	9	விமர்சன சிந்தனை
10	சமத்துவம்	10	ஒத்துழைப்பு
11	நம்பிக்கை	11	மொழியியல் திறன்கள்
12	சகிப்புத்தன்மை	12	எண் திறன்
13	நன்றியுணர்வு	13	புரிதல்
14	கண்ணியம்	14	தொழில்நுட்பம்
15	மரியாதை	15	இடஞ்சார்ந்த திறன்

 

செயல்படும் விதம்:

மற்றவரின் மேம்பாட்டில் ஆர்வமுள்ள ஒரு தனிநபர் அல்லது ஒரு அமைப்பு, அருகில் உள்ள சமூகத்தில் உள்ள மக்களைச் சந்தித்து, மதிப்பீடுகள் மற்றும் அடிப்படைத் திறன்கள் மேம்பாட்டு யோசனையைப் பற்றி மக்கள் / தலைவர்கள் / செல்வாக்கு மிக்கவர்கள் / உள்ளூர் நிறுவனங்கள் / குழுக்களின் தலைவர் ஆகியோருடன் பகிர்ந்து கொண்டு ஏற்றுக்கொள்பவர்களையும் ஆர்வமுள்ளவர்களையும் அடையாளம் காண முயற்சிக்கலாம். சிலர் மட்டுமே இருந்தாலும்கூட, வாரந்தோறும், இரண்டு வாரங்களுக்கு ஒரு முறை அல்லது மாதந்தோறும் 1-1.5 மணிநேரத்திற்கு சில எண்ணங்களைப் பகிர்ந்துகொள்வதற்கு கூடலாம், யோசிப்பது மற்றும் செயல் புரிவதை தொடங்கலாம்; மெதுவாக மக்கள் சேர்க்கப்படலாம். கூட்டத்திற்கு அப்பால் தொடர்ச்சியான ஆதரவும் வழிகாட்டுதலும் வழங்கலாம்.

ஒரு குழுவின் மதிப்பீடுகள் மற்றும் அடிப்படைத் திறன்கள் வளர்ச்சியை இந்த முறையில் மிதமான வழியில் வழிநடத்துவதற்கான சராசரி நேரம் 3-4 மணிநேரம். இதில் தயாராகுதல், பயணம் மற்றும் உறுதிசெய்யப்பட்ட நேரத்தின் அடிப்படையில் வாரம்/ இரண்டு வாரம் / மாதத்திற்கான நேரம் அடங்கியிருக்கும். இது ஒட்டுமொத்த  வாரத்தின் நேரத்தின் 2%, இரண்டு வாரங்களின் நேரத்தின் 1%  மற்றும் மாதத்தின் நேரத்தின் 0.5%. வெறும் பொழுதுபோக்கு அல்லது தனிப்பட்ட நலன்களுக்காக நாம் செலவிடும் நேரத்துடன் ஒப்பிடும்போது மிகவும் குறைவு.

குறிப்பு: மதிப்பீடுகள் மற்றும் அடிப்படைத் திறன்கள் மேம்பாட்டுத் திட்டத்திற்கான சில ஆதாரங்கள் புதுப்பிக்கப்பட்டு, skillstosuccess2020.blogspot.com & careerdevelopment2020.blogspot.com   இல் இருக்கும்.

ஊதியம்:

பங்குப்பெறும் தனிநபர் / நிறுவனத்தின் பொருளாதார வருவாய்க்கு ஏற்ப ஒரு நபருக்காக செய்யும் ஒரு மணி நேர வேலைக்கு ரூ. 0-500 பெறலாம்.